حسين الفضاله + تنظيم الحجاج + مسجد الكويتيين

بالبداية احب اوجه تحياتي الخاصه والعميقه لكل من عايدني عن طريق البلوقر او الرسايل
فهذي عاده حميده على الكويتيين عسى الله يدومها على الكويت

---------

حسين الفضاله

اللي اعرفه ان للحين مفقووود
ويعلم الله ان كان له نصيب الاسد بالدعاء
والله يعين اهله انشاءلله
ومن الصدف ان حسين الفضاله بيتهم بجانب بيت صديق عزيز وغالي علي
ويقال ان حسين الفضاله لا ينسى جيرانه بالسمك
وكان بين فترة وفترة يودي حق جيرانهم سمك من صيده
جزاه الله خير
رجل كبير وله بيت وعائله متوسطه وجيرانه كلهم يثنون على طيبه
والله ما يستاهل
الله يرجعه لأهله سالم وغانم

------------

التنظيم في الحج

الحج هالسنه خفيف
الحمدلله كل سنه عن سنه الحج يصير اخف واسهل والفضل يعود لله ثم للقوات السعوديه
جزاهم الله الف خير
تنظيم رائع وقرارات اروع
كله لمصلحة من؟؟
لمصلحة حجاج بيت الله الحرام
الله يجزاهم الف خير على تحملهم الحجاج
بما اني تعرفت على نظامهم واسلوبهم عن قريب
عن طريق صديقين عزيزين كانوا زملاء لي على ايام الدراسه في بريطانيا
وقاموا بزيارتي في مقر الحملة
وعرفت من خلالهم القرارات والاسلوب المتبع الاكثر من رائع
لهم جزيل الشكر والامتنان

----------------

مسجد الكويتيين

اكثر الاماكن المعروفه والمشهورة في منى
هو
مسجد الكويتيين
اول ما سمعت اسمه قلت يمكن هذا اسم دارج بين الحجاج الكويتيين
لكن اكتشفت العكس
رحت وسئلت العسكريين والحجاج الاتراك والاندونيسيين والسعوديين والاماراتيين وجنسيات اخرى اعتقد انهم ما يعرفون الكويت وينها

لكنهم يعرفون ان هذا المسجد اسمه مسجد الكويتيين

سئلت وسئلت عن سبب التسمية

اكتشفت ان اللذي بناه هو ابونا وابو الدستور
الشيخ المغفور له

عبدالله السالم الصباح

وكان مقر الحملات الكويتية في الزمن الماضي القريب بجانب هذا المسجد
وبذلك تمت تسميته

مسجد الكويتيين

----------

وهذي بعض الصور التقطتها اثناء الحج