الأربعاء، 27 أغسطس 2008

ســلمــت امـــري للظـــروف













كــــل سنــــة.... قبــــل كــــل منــــاسبة تكثــــر
الرســائل وتمـــطر عليّ كــأمطار الشتـــاء الغــزيـــره














وتبــــارك لي فـــي قـــدوم المنـــاسبة














حـــتى اصبحـــب الرســـائل ظــــاهرة رسمـــية
يتـــبعهــا الكبيــر والصغيــر وتكـــاد تغــني
عن الــزيارة











مـــع اننــي ليـــس ممن يتبـــعون هذه الظـــاهره
( الدخيله ) ..... :)

















انـــا نظـــامي قــديــم ....














ما أبـــارك للشخــــص الا وجهاً لوجه .......
أو اتصـــل عليـــه اذا كـــان بعيـــداً














التهنئــــة بالمسجــــات فقـــط ..... مـــن الممنـــوعات











بالنســـبه لــي ...
المســـجات عبـــارة عـــن اكسســوارات تهنــئة














وهـــذي السنــــه













رغـــم وجهــــة نظــــري الـــواضحة للمـــسجـــــات
















لــــن اتبــــع ســـوى المسجــــات بالتهنــــئة ...... :)

















سلّمـــت امــــري للظــــروف ..... غــربه












------------------------------------------------




















كــــــل عــــام وانتــــم بـــألــف خيـــر

السبت، 23 أغسطس 2008

الله يحفظـــكم

اللي قلبه ضعيف لا يشوف هالفلم
وراح تسألوني ليش عارضه؟؟
انا حطيت لكم الفلم عشان سبحان الله اذا صار شي من هذا القبيل
تعرفـــون شاللي لكـــم واللــي عليـــكم

أولا

النــار ما تكبر بسرعه الا بعد ما تمتص حرارة عالية و اوكسجين

طبيعي ان هذي النــار بــدت صغــيرة وكبــرت

ليـــش ما نســأل نفسنــا هالمســاكين وين كانــوا عنــد بــداية النــار

اعتقد ان هالبشر اللي حذفوا نفسهم من فوق بسبب

الحرارة الهائلة (500 الى 700 س)

انا جربت اكون داخل مثل هالنار بملابس الحماية

(fire kit)

وموراضي يلحق علي

فمــا بــالكــم بالمــلابــس العــادية

ثانيا

طبيعة الانسان ما يخاف من النــار عند بدايتها

وحسبــاله النــار ما تنتـــشر بســـرعه

ولـــو تلاحظـــون هالفـــلم شلـــون النـــار أكــلت ملعـــب كـــامل بأقل من ثلاث دقايق

تخـــيلو ملعـــب كامل احتــرق بأقل من ثلاث دقايق

فلا تعتقـــدون ان النـــار اذا صغيرة مو خطــرة

تكبـــر وتنتـــشر بغمــضة عيـــن

بالنهـــاية ما اقــول الا اللـــه يحفظكـــم

safety is the most important before do anything

---------------

Safety Precautions in case of Fire

  • اذا كنــت بالعمــل ابحــث عــن اقــرب مخــرج للطـــوارئ

  • تعــرف على مكــان طفــاية الحــريق وتأكد من نوعية استعمــالها

-------------------

بالنهاية اتمنى انكم تستفيدون من البــوست :)

بذمتكم ما اصلح مدرب سيفتي :)

الاثنين، 18 أغسطس 2008

الدورة الاولمبية ( بكيــن) والكـــويت

تحــديــــث
الــوداع لبكيــــن
لــم يتــأهل العــازمي الى الاولمبيــاد اثر خروجه من الدور قبل النهائي
تحــديـــــث
تأهل البطل العداء محمــد العـــازمي الى الدور قبل النهـــائي وذلك بعد فوزه بالمركز الاول للمجموعه السابعه
وغدا باذن الله الخميــس 21\8\2008 الدور قبل النهائي وذلك بتمام الساعه 2.50 ظهرا بتوقيت الكويت
والنهـــائي يـــوم السبت 23\8\2008 الساعه 2.30 بتوقيت الكويت
الميداليــة الذهبيــه يـــارب
---------------------------------
تحديث
خرج اللاعب ابراهيم الحسن من الدور التمهيدي الاول
ولم يتبقى للكويت الا امل واحد لا ثاني له
العداء محمد العازمي
هذا هو امل الكويت الوحيد فهل يفعلها العازمي
هنا رابط الدور التمهيدي الاول للبطل محمد العازمي
--------
تحديث
هذا رابط الدور التمهيدي للاعب ابراهيم الحسن ولعبته اليوم ... موفق انشاءلله
وبالنسبة لمحمد العازمي ما نزل الجدول للحين مع ان لعبته بتاريخ 20














هذا هو اليوم العاشر من بداية انطلاق الدورة الاولمبية في بكين











والكويت لم تحرز اي ميدالية حتى الان :(











والعرب لم يحرزوا الا ذهبية واحدة فقط للسباح التونسي أسامة الملولي











شئ مؤسف بصراحة ومحزن











لم يتبقى للكويت سوى فرصتين لا ثالث لهما











ابــراهيــم الحســـن ( تنس طــاولة ) وهــو لاعب واعــد
ولأول مره يتــأهل للاولمبياد

لكنه سيــواجه عمـــالقة بهاللعبة .











محمــد العـــازمي ( سباق 800 متر ) لا شك ان الكل يعرف من هذا اللاعب الذي رفع

علــم الكويت في كثير من المناسبات والمحافل الدوليــة















اقتباس من تصريح ابوشيبة نائب امين السر لالعاب القوى :







ويؤكد نائب امين السر باتحاد العاب القوى خليفة ابو شيبة الموجود هنا ان اللاعب العازمي


تأهل لبكين بعد ان حقق الرقم التأهيلي مبكرا للاولمبياد وبعد ان نجح في تتويج نفسة بطلا


لبطولة تورينو بايطاليا التي سجل فيها 1.46.10 دقيقة في يونيو الماضي ثم في البطولة

الدولية التي اقيمت بالدار البيضاء المغربية وسجل 1.45.79 دقيقةوقال ان الرقم التأهيلي

الحالي للمشاركة في دورات الالعاب الاولمبية هو دقيقة و47 ثانية وقد تجاوزه العازمي في


اكثر من مناسبة رياضية بفضل التخطيط الناجح ولمثابرة اللاعب نفسه ورغبته الجاده في


تحقيق لقب اولمبي.واوضح ابو شيبة ان الخطة بدات بارسال العازمي الى سباق 800 متر


الذي اقيم في مدينة افران المغربية حيث المرتفعات الجبلية بمصاحبة مدربه عبدالكريم بن


سعيد وان الاتحاد يسعى جاهدا لتهيئة الاجواء المناسبة للعداء العازمي لنيل ميدالية في


رياضة ام الالعاب في دورة بكين لتكون الميدالية التوأم والثانية في تاريخ الكويت بعد


الميدالية التي حققها الرامي فهيد الديحاني في دورة الالعاب الاولمبية في سيدني عام 2000

واكد بوشيبه ثقته باللاعب العازمي وحرصه على الظهور بالمظهر المشرف وتمثيل

الرياضة الكويتية في هذا المحفل الدولي ورفع اسم الكويت عالياً.











( انتهى الاقتباس)











فهل يا ترى يبتســم الحظ للكـــويت وتحـــرز ذهبـــتيــن على سواعــد هــذين البطــلين












ابـــراهيــم الحــسن





محمــد العــازمي











نتـــمنى لكــم كــل التــوفيــق والنجـــاح واحـــراز الذهبيـــة الاولى للكــويت والثانــية عربيا







السبت، 16 أغسطس 2008

جـــولة في بلاي موث







فــي أول يـــوم دوام في بلاي مـــوث ....قلــت للضبـــاط مايصــير نــداوم بمنطقــه مانعــرف فيــها شــي ومــاشفنــاها عــدل :)




قـــالو اي والله كلامك صح ومنطقـــي ....






لازم نــروح جــولة بس مو بالسنتـــر ... بنوديكــم البحــر نتــريق هنـــاك وبعـــدها نـــروح الغـــابه والجبـــل :) ونتغــدى هنـــاك




لأن السنـتـر مشـــكلة زحمـــة وعــــالم ... مالنا خلق لهم ههههههههه








البـــــحر
















حـــان وقـــت المتـــعة بنـــصعد الجبل ونـــدش الغـــابه ومنـــاظر طبيعيـــه خيـــاليــه

































رحلـــة طويـــلة بصـــراحة بس استانسنا فيـــها .... باك تو فاير ستيشن :)










مـــع تحيـــات
كويـــتاوي
DEVON
(( PLYMOUTH ))





الأربعاء، 13 أغسطس 2008

تحلطــــم ودقـــــات



لا شك ان الكويتي هو بالمركز الاول عالميا بالتحلطم ... ولا اعتقد ان هناك من يخالفني

عندما تكــــون بالغــربه ويسألك شخص غــريب عن الكويـــت ... الرد الطبيعي هو التحلطم




كــل ما يســألنا مدرب انجليزي عن مراكزنا بالكويت وعن الادوات اللي بالمركز.... نتحلطم مع ان مراكزنا احسن من مراكزهم

وكل ما يسألنا عن الدوام وشنو تسوون وقت الفراغ .... نتحلطم...

والله ماكو معدات والنوم حلال بالمراكز وبعض الضباط ما يفهمون شي بالحريق واغلبهم داشين بواسطه

وسوالف شكثر ... ما اقدر احصرها..


تـــدروون شنو نتيجة التحلطم ايام الكليـــة

نتييييجه مرررررررره والله مرررره


بعد ما دشينا البرنامج اللي احنا فيه الحين ( نداوم في مراكز اطفاء احدى المقاطعات البريطانية )

الكـــل ماخذ فكره غلط


والكل يسأل :

انتوا شلون تنامون وقت الدوام

شلون الضباط اللي عندكم ما يفهمون

شنو يعني الواسطه

وليش المرأة ما تشتغل بالمراكز

المرأة بالكويت شنو دورها

اذا صار حريق شنو تسووون


بل بل بل بل


مدربين الكلية دازين حق المراكز نبذه عن عاداتنا وتقاليدنا وعن الاسلام ودازين نبذه عن دوامنا وعن الكويت و و و و و


ومو مخليين شي ما قالوووه ...


ليـــش تتـــحلطم


تحلطم بس مو عند الغـــريب ..لأن الغريب اذا سألك سؤال بياخذ فكره لا اكثر ولا اقل

سبع مراكز اطفاء ماخذه نفس الفكره وكل اسألتهم نفس الشي


شي عجييييب والله ...

بالنسبة للمركز اللي انا فيه .. الحمدلله عدلت الصوره وبعضهم قال بيزور الكويت بيشوفها

وجايب لهم دي في دي عن الفريق الكويتي لاطفاء الابار بعد التحرير


( فريق الاطفاء الكويتي كان ضمن حوالي ثلاثين فريق من انحاء العالم لأطفاء الابار واستحق لقب الاجدر والاكفأ وكان يرأس ذاك الفريق امرأه)


المهم بعد محاولات ناجحة مني غيرت الفكرة السيئة اللتي سببها الرئيسي التحــــلطم

-------------

وانا قاعد بالمركز اسولف مع الزملاء العنقريز واذا بالكنترول ينادي .. مستر كويتاوي ... مستر كويتاوي ... كم تو ذا كنترول رووم بلييز،،،

شسالفه خير انشاءلله

جان اروحلهم ... قالو رئيس الضباط يبييك بالمكتب ..


انا قلت وناااسه بيعطيني رخصه باجر ولا شي ( حسبالي قاعد بالكويت لوووووول)


رئيس الضباط: دير بالك من الاطفائيين بياخذون معاك عشان يمونون عليك وبعدها بيسوون فيك دقه


كويتاوي: خو الموضوع هذا عارفينه من زمان ومعروف بالعالم اي اطفائي جديد يدش مركز لازم يسوون فيه دقه

ممكن اعرف شنو مدى تأثير الدقه على الاطفائي ..؟ وشنو اخر الدقات اللي سووها اطفائيين هذا المركز بينهم وبين بعض

رئيس الضباط : مسوين فلم على واحد لمدة ثلاثة شهور لووووووووووووول.. على بنا في قطوة بالمركز بس ماندري وين تنام ومانشوفها بس وقت الاكل نحط لها صحن اكل ورا السيارة هذي بالذات ( يقصد سيارة المطافي) وبعد نص ساعه نروحلها ونلقا الصحن فاضي

واهوا مسكين صارله ثلاث شهووور مستانس يحط الصحن كله اكل وبعد نص ساعه يلقا الصحن فاضي ما يدري ان في واحد من الاطفائيين يروح يقط الاكل بالزباله ..

كويتاوي: كاااااااك .... شالدقات المليقه هذي صحن وقطوه واكل ... مالت عليكم وعلى دقاتكم والله

رئيس الضباط: اهوا كل مركز ودقاته وعلى حسب الاطفائيين .. انت عمرك سويت دقه بزميل لك بالمركز ..؟

كويتاوي: ( الدموع تنزل من الضحك ) اطفائي جديد يسأل عن نظام الرخصه والتضبيط بالدوام جان اقوله يا طويل العمر هذا الظابط ياخذ بخشيش على كل اجازه يعني تطلب منه يوم واحد بعشرين دينار وزام كامل بخمسين دينار بس دير بالك تعطي الضابط كاااش ترى ما ياخذ كاش بس اسأله عن رقم حسابه بالبنك وحط الفلوس فيه وقط نغزه عنده يعني انك حطيت الفلوس بالحساب واهوا يقولك الزام الجاي لا تداوم

المسكين راح مكتب الضابط جان يسأله .. طويل العمر ابي رقم حسابك بسالفه لوووووووووووووووووووووووووووووووووووول


الضابط عرف انها دقه مني ... جان يمشي فلم علييييه ...

رئيس الضباط : من كثر الضحك طردني برا المكتب... روح روح اطلع برا انا حسبالي انت مسكين وماتعرف كنت بساااعدك مالت علييييك


لووووووووووووووووووووووووووول


-------------------------------------------


طولت عليكم بالبوووست ... مع اني ما احب المواضيع الطويله :)

الاثنين، 11 أغسطس 2008

الــتأخيــر الكـــويـــتي



وانـــا قاعد اقلب بالصور لقيـــت صـــور شكثر تضحكني لكن مثل هالصــــورة مـــالقيـــت



خلوني اقولكم السالفه بالاول وبعدها شوفو الصورة




دوامنا بالكلية يبدأ من الساعه 8 الصبـــح الــى 5.30 العصـــر


بالنسبة للبريك بالمحاضرات


العاده المدربين يعطون اول بريك عشر دقايق والثاني نص ساعه ويسمونه كوفي بريك ثلـــث ســـاعه نايـــميــن وعشــر دقــايق نصحــصح بالقهـــوه :)
اي بعــد مو حـــــلاو شنــو نص ساعه قهـــوة ... استثمر وقــتك :)



الاخوان الكويتين الله يعطيهم العافيه محد ينافسهم بالتأخير ... ماخذينها شفتات


وانا اولهـــم :))


بس ترى ما يصيــر واحد يتــأخر ثــلاثة ايــام ورا بعــض .. حـــدك يـــوميـــن



بس ما نتـــأخر اكثـــر من عشـــر دقـــايق هـــذا حــدنا ههههههه


المفـــروض احنــا نتعـــلم منـــهم شــلون نكـــون بالـــوقت ... المصيبـــه احنـــا علمــناهم اشـــلون يتـــأخرون هههههههههه



مـــدرب ويـــتأخر .... والله فشــــله ههههههه





وفــــــوق هـــذا التــأخيــر ننـــــام ببـــريك الكـــوفي هههههههههههه







جـــــم واحــــد نـــــــــــــايم بالكـــلاس؟؟

الأربعاء، 6 أغسطس 2008

مشتــــــــــــــــــــــــاق لج يـــا كـــويـــــــــت

خلال تواجدي في بريطانيا استخدمت جميع الوسائل المتاحه والمتوفره من مغامرات واستكشافات لمناطق غير موجوده بالخريطه <---its work :)


وذلك محاولة لـتأخير التفكير بالكويت .. لأني انا انسان ضعيف بصراحه


اذا فكرت اني ارجع الكويت






خلاص راح يضيق خلقي لين ارجع الكويت















قضيت ما يقارب الســـت شهـــور في هذه الكليـــة




تعلمـــت الكثـــير
وتعرفـــت على الكثـــير من جنسيــات اجنبــية وعــربيــه وخليجية وكويتية







حتى ستاف المطعم والتنظيف يعرفونا بالاسامي :)




سوف نغادر هذه الكلية نهاية هذا الاسبوع ( 10\8\2008)
متجهيــــن الــى منطقة بلاي مووث باقصى الجنوب الغربي في بريطانيا
متجهيـــن الى مراكز اطفاء هذه المنطقه والدوام في هذه المراكز لأكتســـاب الخبــرة العملـــية (جزء من الدورة)












وهذي بعض صور المنطقه

































تـــدرون شــنو احســن شي في بلاي موث؟















أن عندي عطله اربـــع اســـابيع بعــــدها


وبأرجـــع الكــــويت فيــها انشــــاءلله.....:))



















ادعـــولي بالتـــوفيق .... ولــي عـــوده الاسبـــوع الجاي انشاءلله



الاثنين، 4 أغسطس 2008

اليوفي والارسنال

بعد انتظار طويل تمنيت ان احضر مباراة لليوفي
والحمدلله تحقق هذا الحلم يوم السبت الماضي
وحضرت مباراتهم ضد الارسنال وفازوا فيها 1\0 ( اشوووه اني ما قبست) :)
اهم شي اني كنت لابس فنيلة اليوفي ههههههه والمباراة بملعب الارسنال .... زين ما طقووووني لأن كل الايطاليين اللي لابسين اليوفي كانوا ساكتين ومحترمين نفسهم .... اما انا فلا كنت مندمج بالمباراة واصااارخ ... لووووووووووووووووووووووووووول
صارلي موقف مو صج بالمباراة ...... اليوفي ياب هدف بس تسلل ... انا ما كنت ادري انه تسلل .. جان اقوم وارفع علم الكويت واصارخ بأعلى صوت
COMMON JUVE
COMMON JUVE
ههههههههه اللي حوالي كلهم مشجعين الارسنال ويضحكون علي ويقولون اقعد بس اقعد .... لووووووووووووووول بعدها بثلاث دقايق تريزيغيه ما خيّب ظني وياب هدف ههههههه
جان الف على اللي حوالي كلهم وبنظرة كبرياء واقولهم قعدوا بس قعدوا والكل قام يضحك (استانسوا علي)
وناسة x وناسه
اخليكم مع الصور وطبعا وقت المباراة ما كنت صوب التصوير بس صايد فيديو مو صجي ماركيوني مهزأ لاعب الارسنال اخليكم مع الصور واتمنى ان تعجبكم

























بعد ما فازوا اليوفي
الناس كلها حسبالهم اني ايطالي ههههههه
ياني واحد من جمهور الارسنال.. الشخص هذا بالمباراة كلها كان يطالعني
واستانس علي حسباله انا ايطالي
بعد ما خلصت المباراة ياني وقال:
لو سمحت ... ممكن صورة ؟؟؟
جان ارد عليه :
ليش لأ !





كويتاوي: see you & hardluck
it's juventus :)
المشجع: hhhhhhh
you got it. goodluck



تم اخفاء الوجه لضمان حقوق الملكية :)

الجمعة، 1 أغسطس 2008

سامحنا يا حسين



2/8/1990


يوم الغزو


يوم الغدر


يوم العدوان


يوم الندم


يوم الحسره


يوم البكاء






اليوم الاسود






غدا الذكرى الثامنه عشر لليوم الاسود والكل راح يتغزل بالاسرى والوطنية مثل ما قالها اخوي كويتي لايعه كبده







الكل بيتغزل بالاسرى والوطنية وعندنا مخطوف موجود بايران .......





يا حكومة يا نواب ياصحافه



ليش هالسكوت





لو الموضوع فيه طرفين كويتيين متنازعين جان تلقون كل صحيفه تتسابف على السبق الصحفي لتكون بالمقدمه اعلاميا





لكن للأسف يا حسين





لا حكومة ولا صحافه ولا نواب





اهتموا فيك ....







اكثر الذين اهتموا فيك .... الشعب





سامحنا يا حسين .... سامحنا ..... ما باليد حيله





ما بيدنا الا ندعيلك







اللهم فك قيد حسين وارجعه سالم غانم الى اهله يا ارحم الرحمين