الــى متى يا اخــوان
والله تعبنا من الوضع العام بالكويت
حسين الفضاله للحين محد يدري عنه
الكل كان عايش الامل
والحين ايران تقول انهم متأكدين انه مو موجود بايران
واذا ماخانتني الذاكره
ان اكو تصريح من سفير الكويت بايران يقول انه مكلّم حسين وانه بيرجع
واكو مصادر من بعض الجرايد الكويتية تقول انهم متأكدين انه انتقل من سجن الى سجن آخر
هالحجي هذا قبل اكثر من خمسين يوم
وقبل يومين
تصريح السفير الايراني بالكويت
يقول انهم فقدوا الامل بالعثور عليه
زين ليش؟؟ يا حكومة
ليش ما عندكم شخصيه
ليش ما تتّعضون بالحكومات المجاوره
وتتعاملون مع القضيه بشكل جدي يحسسنا بهيبتكم
والله قالها كويتي لايعه كبده
نبي نحبكم والله نبي نحبكم
والله قهــــر
والله قهـــر
---------------------------
الرياضه الكويتية من انحطاط الى انحطاط
والسبب المشاكل بين الرؤوس الكبار
والضحيه مو الجماهير وبس
الضحيه اللاعبين بعد
لي متى هالمشاكل اللي صارلها اكثر من عشر سنين
وماكو امل للحل
والله قهــر
والله قهــر
--------------------
مجلس الامه وآآه من مجلس الامه
الدور الانعقادي اذا ماكو تأزيم ماله طعم
من تأزيم القروض
مرورا
بزيادة المعاشات
و
الدوانيات
وطق فره ورجع حق
الخمسين دينار
والحين واصل
المصفاء الرابعه
وجان زين ينتهي عند المصفاء
ما اعتقد التأزيم بينتهي عند المصفاء
والله قهــر
والله قهــر
---------------------------------------
وصلنا الى درجة ان المواطن الكويتي ما يقدر يعيش في بيئة فيها امل
خلاص والله خلاص
كفـــــــــايه
والله
كفــــــايه
ياحكومه
تحركوا وقوموا ولا تقعدون لين يرجع حسيـــن
وياريت بعد تحلّون المشكله اللي صايره بين الرياضه والفيفا وتعدلونها بعد مو بس تحلّون المشكله وتخلّون الرياضه
ونتمنى بعد ان التعاون يعود بين السلطتين ونشوف نتايج
نبي نتايج نبي مشاريع نبي نشوف الكويت تتقدم مو تتأخر
الكلام سهل والله سهل
مانبي مواعيد مانبي نسمع اخبار
نبي نشوف نتــــايج
كفـــــــايه والله كفــــايه
