ويك اند

الاسبوع اللي طاف كنت محتار وين اروح بالويك اند
ودي اروح التون تاورز ( مدينة العاب).... لأن صارلنا فترة انقول بنروح وما نرووح
وودي اروح لندن .... من زمان مو ماكل اكل عربي :)
لي يوم الاربعاء وانا محتار

فجأة ياني واحد من الربع بفكرة جهنمية خيالية قابلة للتطبيق :)
الفكرة عبارة

يوم الجمعه نروح التون تاورز
السبت بالليل نروح لندن
الاحد بالليل نرجع الكلية
والله طريق طويل .... وبيني وبينكم اهيا عبارة عن مغامرة ( وانا اموت بالمغامرات)
التون تاورز شمال منطقتنا ولندن جنوبها

اخليكم مع الصور احسن من السوالف .. لأن الصورة تساوي 1000 كلمة :)

الخط الاحمر من الكلية الى التون تاورز ( تقريبا مو متأكد)

الخط الاسود من التون تاورز الى لندن

هذا لعبتين بالمدينة وكلهم يدشون تحت الارض ..... اقوى لعبتين بالمدينه

طبعا الفيديو الاول حده قوي ركزا عليه عدل ... توقف اللعبه فيك قبل لا تنزل تحت .... يخلونك تطالع الحفره اللي بدش فيها ههههه وبعدها تدش الحفره وتطلع من الصوب الثاني

بصراحة اللعبه عجبتني حييييييل











وهذي لعبه ثانية حلوه لكن مو مثل الاولى :)

كويـــــتاوي

بريطانيا

أخيـــــرا

تخيـــل شخـــص تحبـــه وتعشـــقه الى حد الجنــــون

ومـــو قــادر تفــارقه ... حتــى لو اهــوا ما يــدري عنـــك

انــت تفــتخر بحبـــه والكـــل يـــدري انـــه مــو صــوبك

مـــر علــى حبك سنـــوات وسنـــوات كثيـــرة

وأنـــت ما تشـــوفه الا عبر الوســـائل الاعـــلاميــة

ويجـــيك يـــوم يقــــولون لك ان حبيب القلب راح يوصـــل بالتــاريخ الفــلاني بنــفس الدولة اللي انت فيها

شــــنو راح تسوي؟؟؟؟

اول شي بتـــقولـــه أخيـــــــــــــــــــــــــــــــــــــــــــــــــــــــــــرا

وانا الحين اقولها بعالي الصــــوت أخيــــرا .... :)

لا يروح فكركم بعيد ههههههههههههههههههههههههه

اليوفنتــــــــــــــــوس (بيانكونيري)

راح يلعـــب مع نادي الارسنال بتاريخ 2\8 بملعب الارسنال بلندن

قبل جم يوم ياني واحد من الربع عالغدا يدورني دواره بالكلية وانا كنت قاعد اتغدى بالمطعم

صاحبي : كويتاوي وينك الله يهديك صارلي ساعه ادورك

انا : عسى ماشر توني شايفك بالمحاضره قبل نص ساعه

صاحبي : في بريد واصل باسمك بصندوق البريد روح شوفه

انا قلت ماكو غيره ... نادري الارسنال .... التذاكر صارلها اسبوعين ما وصلت اكيد التذاكر

** ملاحظه : يوفنتوس يلعب مع الارسنال والمباراة اللي قبلها يصادف ريال مدريد وهامبورغ ( بطولة وديه )

والتذكرة حق المبارتين

من الصدفه ان التذكره حق مبارتين

الاولى ريال مدريد وهامبورغ 4 بتوقيت الكويت

الثانية ارسنال ويوفنتوس 6 وربع بتوقيت الكويت

11 تذكرة شريت حق المباراة هههههههه وعزمت الربع بشرط انهم يلبسون اليوفي ههههههههههه

المكان راح يكون بجمهور اليوفي عند الكورنر ( اعلام الكويت طبعا موجوده بالملعب معانا )

تحياتي لكم

عندي تذكرتين زياده حق جوفنتينا وشقران :) شركاء حب اليوفي

احلى تغيير جو في بلاك بول

قبل ان ابدي الموضوع احب اوضح لكم كم شغله

انا ادرس في كلية في بريطانيا وما نطلع من الكلية الا الويك اند (سبت واحد) وكل جمعه يكون نصف دوام ونحن عبارة عن عشرة كويتيين والكلية تتبع نظام الكورسات مو نظام عام دراسي ( يعني صيف ماكو عطله)

الاسبوع اللي طاف طلبنا من المدير انه يعطينا الجمعه القادم كله عطله بحجة اننا بنروح ادنبرا (عاصمة سكتلندا) بحكم ان ادنبرا تبعد اكثر من ست ساعات بالسيارة ومايصير نروحلها بس ويك اند ... ياتروح خميس وترجع الاحد ولا لاتروح

اهوا رفض المدير بالاول (لأنه خايف من المسؤولين بالكويت يدرون عنه) واعدناه ان محد يدري وبعدها وافق.... ما صدقنا على انه وافق جان نغير الاتجاه من ادنبرا الى بلاك بوووول ( العشق القديم)

المهم

بلاك بول مدينه تقع شمال غرب بريطانيا (شمال مانشستر وليفربول بالضبط)

واليكم الرحلة.......

الخط الاحمر هو مسار الرحلة من الكلية الى بلاك بول






هذا صديقنا العزيز اللي ما نستغنى عنه ( بدونه نضيع )

هذي سيارتنا

احلى شي فيها رقم اللوحة (وطنيتي زايده عن اللزوم)

الطريق عكس

اهم شي المسباح على علم الكويت :)

جسر مشاه للبقر(للحيونات بشكل عام) لأن المنطقه هذي كلها مزارع وحيوانات

مو نفس الكويت البعير يعبر الشارع بدون ما يطق اشاره

دريشة الفندق

شاي وزقاره على هالمنظر

جولة بشوارع بلاك بول

منظر مدينة الالعاب من الخارج

زاوية اخرى

زاوية ثانية للمدينة من الخارج

هذي مدينة العاب مائية

هذا المدخل ال pleasure beach

اسم المدينه

في مطعم حلال داخل المدينه (شغل عدل)

حتى الكاكاو على اسم المدينه
بس طعمه قوي وعجييييب

snake

نسيت اسم اللعبه بس حلوه

هذي اقوى لعبه بالمدينه واسمها

pepsi max

زواية اخرى ل بيبسي ماكس

ا





هذي بداية اللعبة

منتصف اللعبه

ما احب اي شي يدور

فما بالك فوق بالسما ويدور؟؟

والحين اترككم مع الفرقة الاستعراضية الممتعه

هذي بعض الصور لسباق الدراجات

حتى بحرهم غير :)

وبعد ما استمتعنا بويك اند جميل في بلاك بول حان وقت العوده للعمل

الكلية بعد برمنغهام ب 60 ميل تقريبا

بريك 10 دقايق

زقاير وقهوة عشان نكون صاحيين بالطريق :)

والحمدلله وصلنا بالسلامة للكلية

وهذي غرفتي ويطلق عليها ( دار الوطنية)

** دار الوطنية : لقب اطلق على غرفتي من زميل سابق من الجمهورية الليبيه واطلق على الغرفة هذا اللقب بحكم انها عبارة عن دوانية يجتمع فيها جميع الجنسيات العربيه بالكلية ( كويت , امارات , عمان , ليبيا )

والشباب اللي بالكلية ما صدقوا على الله شافوا سيارتنا وصلت الكلية والاتصالات شغاله على تلفوني تسأل عن:

\

\

\

الشاي والقهوه جاهزة في دار الوطنية لاستقبال الضيوف
( اهم شي الدرابيل الكويتية)

حياكم :)








بذمتكم منو احلى تغيير جو

انا ولا فريج سعود :)